ربط الأنظمة ببعض.
الأنظمة موجودة عندك غالبًا، الناقص إنها تكلّم بعض. بنربط المتجر بالمخزون بالمحاسبة بالواتساب، فالأوردر الواحد بيمشي في السلسلة كلها لوحده: بينزل من المخزون، بيتسجل في الحسابات، والعميل بيوصله رسالة. محدش بينقل رقم من شاشة لشاشة.
بتاخد إيه
ربط حقيقي مش تصدير واستيراد
الأنظمة بتتكلم لحظة بلحظة عن طريق الـ API بتاعها، مش ملف إكسل بيتبعت آخر اليوم.
رقم واحد صح
المخزون في المتجر هو المخزون في النظام هو المخزون على الأرض. مفيش نسختين من نفس الرقم.
الواتساب جزء من السلسلة
تأكيد الأوردر، تحديث الشحن، وطلب التقييم بيتبعتوا لوحدهم على الرقم اللي العميل سجّل بيه.
لو حاجة وقعت هتعرف
أي خطوة بتفشل بتتسجل وبيوصلك تنبيه، مش بتضيع في السكوت لحد ما عميل يكلمك.
على سيرفرك انت
الربط شغال على n8n على سيرفرك، فمفيش اشتراك بيغلى كل ما شغلك يكبر.
كل خطوة مسجلة
تقدر تفتح أي عملية وتشوف دخلت إمتى، عملت إيه، وطلعت بإيه. مش صندوق مقفول.
مناسب لمين
- حد عنده متجر إلكتروني وبيسجّل الأوردرات في المخزون بالإيد كل يوم
- شركة الأرقام عندها بتختلف بين نظام ونظام ومحدش عارف مين الصح
شوف واحد شغال
«سارة» وكيل مبيعات على واتساب بنيناه لإعلانك: بيستقبل الرسايل، بيفهم العميل عايز إيه، بيجاوب، وبيسلّم الأوردر للفريق. شغّال دلوقتي. وهو على سيرفرنا إحنا لأن إعلانك شركتنا؛ بتاعك بيتحط على سيرفرك.
أسئلة بتتسأل
بتشتغلوا على أنظمة جاهزة زي شوبيفاي وأودو؟
أيوة. لو النظام عنده API بنربطه. شوبيفاي، ووكومرس، سلة، زد، أودو، جوجل شيتس، والواتساب بيزنس، دي أكتر حاجات بنشتغل عليها.
لو نظام عندي قديم ومفيهوش API؟
بنشوف بدايل: قاعدة البيانات مباشرة، أو ملف بيتقرا أوتوماتيك، أو طبقة صغيرة بنكتبها فوق النظام القديم. أول حاجة بنعملها إننا نبص على النظام ونقولك ينفع ولا لأ قبل ما تدفع.
الربط بيتعطّل لما النظام يتحدّث؟
ممكن، وده بيحصل مع أي ربط في الدنيا. الفرق إن الربط عندك بيبلّغ فورًا لما يقع بدل ما يفضل ساكت، وإحنا اللي بنصلّحه.
بتاخد قد إيه؟
ربط بسيط بين نظامين من أسبوع. سلسلة كاملة فيها أربع أو خمس أنظمة من تلات أسابيع لشهر.
الربط بيكلّف كام وهو شغال؟
n8n نفسه مفتوح المصدر ومجاني، فاللي بتدفعه هو السيرفر اللي شغال عليه، وبيبقى باسمك وبتدفعه للمزود مباشرة. لو الربط بيستخدم ذكاء اصطناعي في أي خطوة، ده بيتحاسب على الاستخدام وبنقولك المتوقع في العرض.
مين اللي بيصلّحه لو اتعطّل بعد التسليم؟
في الضمان إحنا. بعده تختار: اتفاق متابعة، أو تمشي بنفسك. كل خطوة في الربط متسجلة ومعاها توثيق، والسيرفر باسمك، فأي حد يقدر يكمّل.