فيديو وإعلانات.
بنعمل إعلان الفيديو والـ CGI لمنتجك من صور المنتج الحقيقية. من غير كاميرا ولا لوكيشن ولا يوم تصوير. اللي كان بياخد أسبوع وميزانية إنتاج بقى بيتسلّم في 24 ساعة للإعلان البسيط، وبنعمل كمان أفلام كاملة بسكريبت وصوت ومونتاج.
بتاخد إيه
من صور منتجك
بنشتغل على المنتج الحقيقي مش موديل شبهه، فاللي في الإعلان هو اللي العميل هيستلمه.
24 ساعة للإعلان
الإعلان القصير بيتسلّم في يوم. الفيلم الكامل بياخد أكتر لأنه فيلم.
صوت وموسيقى
تعليق صوتي وموسيقى ومؤثرات، مش مقطع صامت انت اللي تدوّر له على صوت.
كل المقاسات
طولي للريلز والستوري، مربع للفيد، وعرضي لليوتيوب، من نفس الشغل مش تكلفة تانية.
الملفات ملكك
الماستر بأعلى جودة بيتسلّم لك، مش لينك بيقفل بعد شهر.
جاهز للإعلان
الفيديو بيتسلّم بالمواصفات اللي ميتا وسناب وجوجل بيقبلوها من غير ضغط تاني يبوّظه.
مناسب لمين
- منتج محتاج إعلان النهارده مش الشهر الجاي
- براند عايز يبان أكبر من ميزانيته من غير يوم تصوير
- حد جرّب إعلان معمول بالموبايل ولقاه بيقلّل شكل المنتج
- منتج صعب يتصوّر، زجاج أو معدن أو سايل
شوف الشغل
أفلام وإعلانات كاملة، اتعملت كلها من غير كاميرا. شغّل أي واحد فيهم دلوقتي.
أسئلة بتتسأل
يعني إيه من غير كاميرا؟
بنبني المشهد كله رقميًا حوالين صورة المنتج الحقيقية: الإضاءة والخلفية والحركة والانعكاسات. النتيجة بتبقى شكلها تصوير استوديو من غير استوديو ولا يوم تصوير ولا تكلفتهم.
إيه اللي محتاجينه مني عشان الـ24 ساعة تبدأ؟
صور المنتج بأعلى جودة عندك. صور الموبايل بتنفع لو الإضاءة كويسة، والاسم والسعر لو هيظهروا، وحاجة واحدة عايز الإعلان يقولها. الـ24 ساعة بتبدأ لما الحاجات دي توصل، مش لما تتفق معانا. ده مكتوب هنا عشان الميعاد ميضربش وانت مش عارف ليه.
قد إيه بتاخد فعلًا؟
إعلان منتج قصير في 24 ساعة من ساعة ما نستلم الصور والمعلومات. فيلم فيه سكريبت وأكتر من مشهد بياخد من أسبوع لأسبوعين.
لو مش عاجبني؟
فيه مراجعتين داخل السعر. وبنتفق على الشكل والمرجع قبل ما نبدأ عشان المراجعة تبقى تعديل مش إعادة شغل.
AETHYRA و GOLD دول اتعملوا لعميل؟
لأ. الاتنين اتعملوا لمسابقات أفلام AI، ومحطوطين هنا عشان يوروك أقصى حاجة نقدر نعملها لما مفيش قيود عميل. إعلان كليفر إم سي اللي جنبهم ده شغل اتسلّم لعميل فعلًا، وفيلمي سكنكم وإعلانك اتعملوا لمنتجاتنا إحنا.
بتعملوا فيديو بالعربي بلهجة معينة؟
أيوة، مصري، خليجي، أو فصحى. والتعليق الصوتي بيتظبط على السوق اللي الإعلان رايح له.