أسئلة بتتسأل.

على قد الشغل، والسعر بيتكتب قبل ما نبدأ. مش بنقول رقم على التليفون قبل ما نفهم انت عايز إيه، لأن الرقم اللي بيتقال بسرعة بيتغيّر بعدين وده أسوأ حاجة تحصل في مشروع.

أربع حاجات، وكلها تقدر تقيسها بنفسك قبل ما تكلّمنا. حجم المحتوى: كام صفحة أو كام منتج، ومين هيكتب النصوص ويجهّز الصور. والربط: دفع، شحن، فاتورة إلكترونية، مخزون، واتساب. كل واحد فيهم شغل لوحده مش خانة بتتفتح. ولوحة التحكم: تعدّل نص وصورة، ولا تدير مخزون وطلبات وصلاحيات موظفين. ولغة واحدة ولا اتنين، لأن التانية مش ترجمة بس، دي تصميم بيشتغل في الاتجاهين. اللي عندك جاهز من دول بيقلّل السعر مش بيزوّده، وعشان كده بنسأل عنهم في أول مكالمة.

على دفعات مربوطة بمراحل التسليم مش بالتاريخ. بتدفع دفعة تبدأ، وباقي الدفعات بتنزل مع كل مرحلة بتستلمها وتشوفها شغالة.

لأ، إلا لو انت طلبت خدمة شهرية زي إدارة الإعلانات أو السوشيال. الموقع أو التطبيق أو النظام بتدفع فيه مرة وبيبقى ملكك. مفيش رسوم بتفضل تدفعها عشان تستخدم حاجة انت دفعت فيها.

بتاخد اللي اتعمل لحد اللحظة دي بالكود والملفات. مش بنمسك شغل اتدفع فيه رهينة.

الموقع من أسبوعين، التطبيق من ستة أسابيع، النظام حسب حجمه، الإعلان 24 ساعة. دي نطاقات من شغل اتعمل فعلًا مش وعود.

أكتر سبب بيأخّر مشروع مش البرمجة، المحتوى. الصور والنصوص والبيانات اللي المفروض تدخل النظام. بنقولك من الأول محتاجين منك إيه وإمتى.

أيوة، وعشان كده بنقول ميعاد حقيقي من الأول بدل ما نقول أسبوع ونسلّم في شهر.

أيوة. الكود والدومين والاستضافة والحساب الإعلاني والبيكسل وملفات التصميم والصفحات، كلهم بيتسلّموا باسمك. حتى لو مشينا.

بتاخد كل حاجة وتمشي. مش بنستخدم أدوات مقفولة ولا بنخلّي حد محتاجنا عشان يعدّل كلمة.

فيه فترة ضمان بتصلّح فيها أي حاجة غلط في الشغل نفسه من غير فلوس. بعدها الصيانة والتطوير باتفاق منفصل، ومش شرط تكون معانا.

أيوة، وبنبدأ بأصغر حاجة بتحل المشكلة. مش بنبيع نظام لحد محتاج صفحة.

أيوة. سكنكم منصة سعودية إحنا اللي بنيناها، وبنشغّل إعلانات في السوق السعودي بالريال.

لأ. بنكتب كود. ووردبريس مناسب لمدونة بسيطة، لكن متجر أو موقع شركة مليان إضافات بيبقى تقيل وبيحتاج صيانة شهرية، وكل إضافة فيه سطح هجوم زيادة. لو عندك موقع ووردبريس وعايز تخرج منه بننقلك مع تحويلات دائمة لكل رابط قديم عشان اللي بنيته في السيرش ميضيعش.

المنصات اللي بنيناها شغالة للناس دلوقتي، ومعاها الأفلام اللي عملناها تقدر تشغّلها. افتحهم واتفرج.