آخر تحديث: سبتمبر 2026
شروط الاستخدام.
الصفحة دي بتخص استخدام الموقع نفسه. أي مشروع بيتنفّذ بعقد مكتوب لوحده، والعقد ده هو اللي بيحكم. مش اللي مكتوب هنا ولا أي كلام في محادثة.
اللي على الموقع مش عرض سعر
أي سعر منشور في إعلاناتنا أو على صفحاتنا هو سعر بداية لباقة محددة، مش عرض سعر ليك. وأي مدة تسليم مكتوبة في أي مكان على الموقع (في الهيدر أو في صفحة خدمة أو في الأسئلة) هي نطاق من شغل اتعمل فعلًا، مش التزام. أي رقم أو مدة بتبقى ملزمة لما تتكتب في عرض سعر أو عقد باسمك.
الشغل المعروض
المنتجات والأفلام المعروضة هنا شغل لومورا نفّذته. المنتجات المفتوحة للناس متحطوطة بلينكاتها عشان تفتحها وتتأكد بنفسك. الأسماء والعلامات التجارية بتاعت العملاء ملكهم هما مش ملكنا.
محتوى الموقع
النصوص والتصميم والكود والأفلام على الموقع ده ملك لومورا. تقدر تشارك اللينكات براحتك؛ إعادة نشر الأفلام أو استخدام التصميم في شغل تاني محتاجة إذن مكتوب.
ملكية شغل العميل
في المشاريع اللي بنسلّمها، الكود والدومين والاستضافة والحساب الإعلاني والبيكسل وملفات التصميم والصفحات بتتسلّم باسم العميل. نفس الليستة المكتوبة على كل صفحة خدمة، وبالتفصيل في العقد. ده موقفنا حتى لو انتهت العلاقة.
الفورم
فورم التواصل للاستفسارات الحقيقية. البيانات اللي بتتبعت بتتعامل زي ما مكتوب في صفحة الخصوصية.
توفّر الموقع
بنحاول الموقع يفضل شغال طول الوقت، بس مش بنضمن إنه ميقعش أبدًا. لو الموقع واقع ومحتاجنا، الواتساب والتليفون شغالين.
القانون
الشروط دي بتخضع للقانون المصري.