آخر تحديث: سبتمبر 2026
الخصوصية.
الموقع ده بيحمّل سكريبت واحد بس من طرف تالت، وهو Google Analytics، وبيبعت لميتا من سيرفرنا أحداث بنقيس بيها إعلاناتنا، والاتنين مكتوبين تحت بالتفصيل. اللي بنجمعه من الفورم هو اللي بتكتبه فيه، وكمان أربع حاجات بتتسجل مع الفورم لوحدها (الأربعة مكتوبين تحت بالاسم)، وكله بيتخزن على سيرفر لومورا مش عند حد تاني.
اللي بتكتبه في الفورم
الاسم والتليفون مطلوبين. الإيميل واسم الشركة والخدمة اللي مهتم بيها والرسالة اختيارية. لو سيبتهم فاضيين الفورم بيتبعت عادي.
أربع حاجات بتتسجل لوحدها
اللغة اللي كنت بتقرا بيها، والصفحة اللي بعتّ منها، وبصمة مشفّرة لعنوان الـ IP بتاعك (مش العنوان نفسه) ونوع المتصفح. اللغة والصفحة بنعرف بيهم الناس بتوصلنا منين. البصمة ليها استخدام واحد بس: نمنع حد يبعت الفورم خمسين مرة في الدقيقة، وهي متشفّرة بمفتاح سري فمينفعش حد يرجّعها لعنوان حقيقي حتى لو أخد قاعدة البيانات كلها.
فين بيتخزن
قاعدة بيانات على سيرفر لومورا نفسه. مش على خدمة نماذج جاهزة ولا Google Forms ولا شيت مشارَك. عشان اللي بيقدر يفتح البيانات دي هما لومورا وبس.
مين بيشوفها
فريق لومورا. أول ما فورم يوصل بيتبعت تنبيه على تليجرام فيه الاسم والتليفون والخدمة. الرسالة نفسها مش بتتبعت في التنبيه لأن الشات مكان أقل تحكّم من قاعدة بيانات. غير كده مش بنبيع البيانات ولا بنشاركها مع أي وسيط. الاستثناء الوحيد هو أحداث القياس اللي بتروح لميتا وجوجل، ودي مكتوبة تحت بالتفصيل.
قياس الإعلانات مع ميتا
لو جيت من إعلان على فيسبوك أو انستجرام، بنبعت لميتا من سيرفرنا (مش من متصفحك) إنك فتحت صفحة، وأنهي صفحة خدمة أو شغل شفتها، وإنك ضغطت على واتساب أو الرقم أو الإيميل، وإنك بعت الفورم. مع الحدث بيتبعت عنوان الـ IP ونوع المتصفح ومعرّف الإعلان اللي جيت منه. لو بعت الفورم، رقمك وإيميلك واسمك الأول بيتبعتوا مشفّرين بـ SHA-256، يعني ميتا تقدر تطابقهم مع حساب عندها من غير ما تشوف القيمة نفسها، ونص رسالتك عمره ما بيتبعت. الغرض واحد: نعرف إعلان أنهي جاب مين، ونوقف اللي مش بيجيب حد.
Google Analytics
بنستخدم Google Analytics عشان نعرف الناس بتوصل للموقع منين وبتفتح إيه. ده السكريبت الوحيد اللي بيتحمّل من طرف تالت. جوجل بتسجل الصفحات اللي فتحتها، والمصدر اللي جيت منه، ونوع الجهاز والمتصفح، والبلد والمدينة بشكل تقريبي، وضغطات واتساب والاتصال والإيميل، وإنك بعت الفورم من غير أي حاجة من محتواه. عنوان الـ IP مش بيتخزن كامل، والبيانات بتتعالج عند جوجل حسب سياسة الخصوصية بتاعتها. لو مش عايز تتحسب، فعّل حظر التتبع في متصفحك أو ركّب إضافة Google Analytics Opt-out.
الكوكيز
الموقع بيحط نوعين كوكيز. كوكيز Google Analytics (اسمها بيبدأ بـ _ga) عشان تفرّق بين زيارة وزيارة تانية من نفس المتصفح. وكوكيز _fbp و_fbc بنحطها إحنا عشان نربط زيارتك بالإعلان اللي جيت منه على فيسبوك أو انستجرام، وبتعيش 90 يوم. مفيش كوكيز تسجيل دخول ولا تفضيلات، واللغة بتتحدد من اللينك نفسه. تقدر تمسحهم من إعدادات المتصفح في أي وقت.
واتساب
لما تدوس على زرار واتساب بتخرج من الموقع وتدخل على تطبيق واتساب، وساعتها الرسالة والرقم بيتعاملوا حسب سياسة واتساب وميتا مش سياستنا. اللي بيوصل لميتا من الموقع نفسه هو أحداث القياس المكتوبة فوق وبس.
قد إيه بنحتفظ بيها
بنمسح البيانات لما تطلب. ابعت من نفس الإيميل أو الرقم اللي كتبته في الفورم وقول إنك عايز بياناتك تتمسح، وبنمسحها ونأكّدلك.
لو غيّرنا حاجة
التاريخ اللي فوق بيتحدّث. مش بنغيّر حاجة بأثر رجعي على بيانات اتبعتت قبل التغيير.