أتمتة ووكلاء ذكاء اصطناعي.
بناخد الشغل اللي حد بيعمله بإيده كل يوم (يرد على نفس الأسئلة، ينقل بيانات من مكان لمكان، يطلّع نفس التقرير) ونخليه يتعمل لوحده. بنبنيه على n8n على سيرفرك انت، وبتقدر تفتح أي عملية وتشوف كل خطوة اتعملت إمتى وليه.
بتاخد إيه
رد تلقائي حقيقي
وكيل بيفهم السؤال بالعامية، بيرد، وبيحوّل للبني آدم لما يحتاج.
فرز وتوزيع
كل طلب بيروح للشخص الصح ومعاه اللي محتاجه، من غير ما حد يقرا ويوزّع.
تقارير بتتبعت
الرقم اللي بتسأل عنه كل يوم بييجيلك من غير ما تسأل.
ربط الأنظمة
المتجر بالمخزون بالمحاسبة بالواتساب، من غير نسخ ولصق.
على سيرفرك
الأتمتة وقاعدة البيانات على سيرفر باسمك. الوكيل بيبعت للموديل الجزء اللي محتاجه عشان يرد، وانت اللي بتختار الموديل. مفيش أي طرف تالت تاني بيشوف الداتا.
كل خطوة مسجلة
تقدر تفتح أي عملية وتشوف إيه اللي حصل بالظبط، مش صندوق مقفول.
مناسب لمين
- بيزنس بيتعامل مع عشرات الرسايل في اليوم على واتساب أو الشات
- شغل فيه نقل بيانات يدوي بين متجر ومخزون ومحاسبة
- فريق بيضيّع وقت في تقارير بتتعمل بنفس الطريقة كل أسبوع
- صاحب بيزنس بيرد بنفسه على الواتساب الساعة 11 بالليل
شوف واحد شغال
«سارة». وكيل مبيعات على واتساب بنيناه لإعلانك، بيفرز ويرد ويحوّل، وشغّال دلوقتي. إعلانك شركتنا إحنا فهو على سيرفرنا؛ بتاعك بيتحط على سيرفرك.
أسئلة بتتسأل
بتشتغلوا على إيه؟
n8n مستضاف على سيرفر خاص بيك، ومربوط بموديلات الذكاء الاصطناعي اللي تحتاجها. n8n نفسه مفتوح المصدر ومفيش اشتراك على عدد العمليات، بس خلّي بالك إن فيه حاجتين بيفضلوا شهري: السيرفر، وأي رد بيعدّي على موديل ذكاء اصطناعي، وده بيتحاسب على الاستخدام مش مجاني. بنحسب لك المتوقع في العرض على حسب عدد الرسايل المتوقعة.
الوكيل هيرد بالعامية المصرية؟
أيوه. بنظبطه على طريقة كلام عملائك انت، مش على عربي فصيح مترجم.
لو الوكيل غلط؟
بنحطّله حدود واضحة: فيه حاجات مسموحله يعملها وحاجات بيحوّلها لبني آدم على طول. وكل محادثة متسجّلة عشان تراجعها.
بتاخد قد إيه؟
أوتوميشن بسيط بيشتغل من أسبوع. وكيل كامل بياخد أطول لأنه محتاج يتجرّب على حالات حقيقية قبل ما ينزل.